दोहा। दोहा (कतर) के अल-अहली स्पोर्टस कॉम्पलेक्स के नजारा, भोजपुरी संगीत पर झूमत 25,000 से बेसी लोग, अउर स्टेज पर देवी के जलवा... अपना माटी से दूर रह रहल भोजपुरिया लोगन खातिर 17 नवम्बर 2010 एगो यादगार शाम रहल। अउर एकरा के खास बनाये खातिर प्रसिद्ध भोजपुरी गायिका देवी अपना टीम का संगे ओहिजा रहली।ई मौका रहे दोहा में भोजपुरी, मैथिली आ नेपाली भाषा के खास सांस्कृतिक कार्यक्रम "गैलेक्सी नाइट" के, अउर एह मौका पर नेपाल के राजदूत डा. सुर्यनारायण मिश्रा खास तौर पर मौजुद रहलन। स्टेडियम के माहौल त अइसन रहे कि कार्यक्रम के शुरु भइला के बावजुद बाहर लोगन के लाइन लागल रहे, जे अपना प्रिय गायिका के एक झलक पाये खातिर बेचैन रहे। एह कार्यक्रम के तुरंत बाद देवी कहली - "हम देश-विदेश में सैकडन गो स्टेज शो कइले बानी, लेकिन ई एगो खास मौका रहे। एहिजा दर्शक लोग के उत्साह देख के एक पल खातिर भी ना लागल कि हम देश से बाहर बानी।"
वइसे दोहा में रहे वाला लोग भी देवी के एह कार्यक्रम से अचंभित रहे। दोहा में एगो रियल-स्टेट कंपनी में काम कई रहल रमेश कुमार कहलन कि - "एह तरह के कार्यक्रम देख के अच्छा लागल। हम पिछला 2 साल से एहिजा बानी, लेकिन कार्यक्रम शुरु भइला के बाद लागल कि हम अपना गाँवे पहुँच गइल बानी। देवी के गीतन में एगो जादू बा, आ हमनी का आयोजक लोग से माँग करब कि जल्दिये उनका के दोबारा एहिजा बोलावल जाव।"
देश-दुनिया में भोजपुरी गीतन के माध्यम से हमनी के संस्कृति के प्रचार कइ रहल देवी के भोजपुरिया डॉट कॉम का ओर से शुभकामना।
होठवा से चुऽवेला सुरवा के रसवा ,
कि मीठे लागेला !
तोहरी गीतवा के बोऽल देवी,
कि मीठे लागेला !!
गीतकार
ओ.पी .अमृतांशु
devi g, aapne to nam kar diya bhojpuri bhasha ka aapko main kuch dena chahata hun jo mer pass 1 hi hai aap use shambhal kar rakhiyega jo hai dhanaybad.