Bhojpuria.com

Yeh U.P. aur Bihar ke liye koi naya baat nahi hai, aisa karnama dono hi Bhojpuri Pradesh me hota hi rahta hai. Fark sirf itna hai ki yeh thoda bada ghotala hai. Mere gaon Barkagaon,Tarari,Bhojpur (Bihar) se lekar aapke gaon tak ,jaha v ho Gramin Rojgar Garanti Yojna me isi tarah ki dhandhali ho rahi hai. Lagatar dhandhali ki sikayat v officer’s ko mil rahi hai, lekin mere gaon se lekar aapke gaon tak ke savi officer apna jeb bharne me lage huye hai.fark itna hai ki savi ke lutne ke tarike kuchh –kuchh alag hai,aur sath hi kuchh jhola chhap neta v parjivi ki tarah janta ke paisa ko bhrashth officer’s ke chamchagiri karke kha rahe hai. Bhiar & U.P. ke 1 engineer se jayada inki kamai hai. Jo education me matra 5th class se 7th class tak v shayad padhe –likhe honge.jabtak hum jagruk nahi honge tab tak koi v jhola chhap neta apni roti hamare chulhe par sekta rahega. Ab samay aa gaya hai ki desh ki comman navjawan educated logo ke hath me aana chahiye.main Bihar & U.P. ke graduate /under-graduate educated logo se apil karta hun ki aap jaha v sarkar ki koi v yojna me kaam chal raha ho uski khabar lijiye. Aap v usi system ka hissa baniye aur system ko ganda karnewale tatvon ko nikal kar kachre ki bhanti gande nale me fek dijiye taki koi v hamari system ko ganda karne se pahle hajar bar soche. Agar hum log ache engineer ,doctor,teacher,actor etc. ban sakte hai aur achha karya kar sakte hai to fir system ko v sudhar sakte hai .aap kewal apne chhetra ko monitor kijiye aur system ko ganda hone se bachaiye,jab savi yua apne chhetra ka dhyan rakhega aur system ko ganda nahi hone dega to desh ka vikash bahut jald ho jayega.aur rahi baat is ghatna ki to iski janch bahut kadai se honi chahiye ,jo v jimmevar officer hai usko iski saja jarur milni chahiye.lekin hum savi ko v jagruk rahna padega ,tab kahi istarah ki ghatnao par lagam lagega.

Yours,
Suraj Babu